असोज १ मोरङ / मिक्लाजुङ गाउँपालिका–५ मोरङबाट २ वटा भरुवा बन्दुकसहित एक जना युबक पक्राउ परेका छन ।
मिक्लाजुङ–५ का ४३ वर्षीय जगतबहादुर लिम्बूलाई २ वटा भरुवा बन्दुकसहित बिहीबार साँझमा पक्राउ गरेको प्रदेश १ प्रहरी कार्यालयका प्रवक्ता एसपी नवीनराज राईले जानकारी दिए । उनका अनुसार इलाका प्रहरी कार्यालय उर्लाबारीको टोलीले घरमा लुकाइछिपाइ राखेको अवस्थामा २ नाल बन्दुकसहित लिम्बूलाई पक्राउ गरेको हो ।
प्रहरीले वन्यजन्तुको चोरी सिकारीका लागि भरुवा बन्दुक राखिएको हुनसक्ने आशंका गरेको छ। लिम्बूविरुद्ध हातहतियार खरखजाना मुद्दा चलाउन शुक्रबार म्याद थप गरी अनुसन्धान अघि बढाइएको प्रहरीले जनाएको छ।
