घोराहीमा बृहत सांस्कृति कार्यक्रम सुरु ,आज प्रमोद खरेलको प्रस्तुती हुने ,पल शाह पशुपति शर्माको उपस्थिति हुने,

घोराही   अनाथ बालबालिका सहयोगार्थको लागि  घोराहीमा बृहत सांस्कृति कार्यक्रम सुरु भएको छ  लागी डि टेन नेपाल ईन्टरटेनमेन्ट मिडिया प्रा.लिको  आयोजनामा ‘घोराहीमा  बृहत सांस्कृतिक कार्यक्रम–२०७९ को हिजो  विहीवार एक औपचारिक कार्यक्रमकाबिच उद्घाटन गरिएको थियो।

घोराही उपमहानगरपालिका वडा नम्बर १४ झिगौँरामा आयोजना गरिएको तीन दिने सांस्कृतिक कार्यक्रमको घोराही उपमहानगरपालिका का उपमेयर हुमा डिसीले उद्घाटन गर्नुभएको थियो।
कार्यक्रम आयोजक मूल समितिका संयोजक बिष्णुकुमार देवकोटाको अध्यक्षता एवं घोराही उपमहानगरपालिकाका उपप्रमुख हुमा डिसीको प्रमुख आतिथ्यमा भएको उद्घाटन कार्यक्रममा बोल्दै डिसीले सांस्कृति कार्यक्रमले गाउँ घरमा  लुकेर रहेको प्रतिभालाई प्रस्तुत गर्ने अवसर दिने बताउनुभएको थियो । दंगाली कलाकार पल शाहलाई दाङमा स्वागत गर्नका लागी आयोजना गरिएको कार्यक्रमले स्थानीय कलाकारलाई स्थान दिन पनि अनुरोध गर्नुभएको थियो ।

कार्यक्रमको आज दोस्रो दिन शुक्रवार नेपाली सांगितिक क्षेत्रका चर्चीत एवं लोकप्रीय गायक प्रमोद खरेलको प्रस्तुति रहने छ । तेस्रो दिन शनिवार नेपाली चलचित्र क्षेत्रका सुपरस्टार दंगाली नायक पल शाह, लोकदोहोरी गायक पशुपति शर्मा, लोकदोहोरी गायक एम.टि महर, माधव जोन खत्री, शान्तराम सेञ्चुरी लगायतका कलाकारहरुको प्रस्तुति रहने सांस्कृतिक समितिका संयोजक कमल विष्टले जानकारी दिनुभयो ।