दाङमा स्कार्पियो जिप दुर्घटना हुँदा ६ जना घाइते भएका छन । घाइते हुनेमा सबै लमहीका स्थानीय रहेको वडा प्रहरी कार्यालय लमहीले जनाएको छ ।
घाइते हुनेमा लमही नगरपालिका वडा नम्बर २ बरुवा गाउँका २८ बर्षिय प्रदीप चौधरी, वडा नम्बर ५ कोलही बस्ने २५ वर्षिय बिनोद चौधरी, वडा नम्बर ५ रातो डाँडा निवासी बस्ने १८ बर्षिया आकृती पाण्डे, सोही ठाउँ बस्ने २० बर्षिया सृजना सुनार, लमही बजार निवासी ३७ बर्षिय भानु गुप्ता, वडा नम्बर ६ देउपुर बस्ने १८ बर्षिया बिनिता लुहार रहेका छन ।
प्रहरीका अनुसार गयराती २ बजे लु ३ च ८८० नम्बरको स्कार्पियोमा सवार उनीहरु साथीको पार्टीमा सहभागी भएर फर्किदै गरेको घाइतेले बताएका छन । उक्त दुर्घटना लमही नगरपालिका वडा नम्बर ३ र ४ को सिमानामा पर्ने बगै सोता खोलाको पुलमा ठोक्किएर भएको हो ।
